ഒരു മൃദു മന്ദഹാസവുമായി ഞാൻ
അരികിലെത്തുന്ന നേരം
ഒരു മുകിൽ മാലയായ്‌ മാറി മറയുന്നിതെന്തേ
കണ്ണാ ... നീയെന്നും
കേട്ടില്ല നിൻ കോലക്കുഴൽവിളി കാളിന്ദി
തീരത്തും വൃന്ദാവനത്തിലുമെങ്ങും
പാരം പരവശയായി ഞാൻ മേവുന്നു
അമ്പാടി മുറ്റത്ത്‌ കണ്ണാ
ചാരെ വരിക നീ ചെലോലും നിൻ മുഖം
കാണട്ടെ നിന്നമ്മയിന്നു
കംസന്റെ കണ്ണിൽ പെടാതെ നീ കണ്ണാ
കാക്കുക നിന്നെ നീയെന്നും
വെണ്ണയും ചോറും കരുതി വെച്ചമ്മയിന്നും
കാക്കുന്നു നിന്നെ
വഴി കണ്ണുമായ് നില്കുന്നു കണ്ണായെൻ
ചാരത്തണയുക വേഗം
മനം ആധിയാൽ വേവുന്നു കണ്ണാ നിൻ
മോഹന രൂപം കാണാൻ
No comments:
Post a Comment