യുദ്ധം

യുദ്ധം വിതക്കുന്നു ദുരിതങ്ങൾ വഴി നീളെ

പുതക്കുന്നു കബന്ധങ്ങൾ മണ്ണിലെങ്ങും 

പിഞ്ചു മക്കളെയും ചേർത്ത് നെഞ്ചിൽ 

കരയുന്നു അമ്മമാരും നാടുനീളെ 

കാതടക്കും സ്വരങ്ങളാൽ ഭയം നിറച്ചും 

തീ വമിക്കും പോർവിമാനങ്ങൾ തലയ്ക്കു മീതെ 

തലങ്ങും വിലങ്ങും ജെറ്റ് പുക പരത്തി 

യുദ്ധ സൈറണ്‍ മുഴങ്ങുന്നു ഇടക്കിടക്ക് 

ചാനലുകൾ ആഘോഷമാക്കി യുദ്ധമെങ്ങും

ഭൂമിയാകെ കുലുക്കുന്നുമിസൈലുകളും 

പിടക്കുന്നു നെഞ്ചിനുള്ളിൽ ഉയിർകളും 

ജീവനോടെ നാട് കാണാൻ മോഹമായി

ഇട്ടെറിഞ്ഞു പോന്നുയെൻ അദ്ധ്വാനമെല്ലാം 

യുദ്ധങ്ങൾ നാശമല്ലാതെന്തു നല്കി 

ആർത്തി പൂണ്ട മനുഷ്യർക്ക്‌ ശിഷ്ട കാലം 

കടലും ആകാശവുമെല്ലം മലിനമാക്കി 

മണ്ണിലും വായുവിലും വിഷം കലക്കി 

നേടിത്തന്നു രോഗദുഖ  ദുരിതങ്ങൾ 

ഭാവിയിൽ മനുഷ്യ കുലം ചത്തൊടുങ്ങാൻ