തുലാവർഷം

വളകിലുക്കി എത്തിയൊരു വായാടി വയ്കും

സന്ധ്യയിതിൽ കുളിര് പെയ്യാൻ ഓടിവന്നു

തുലാവര്ഷ പെണ്ണെ നീ നൃത്തമാടു

ഇടനെഞ്ചിൽ മദ്ദളമായ കേളിയാടൂ

കരിമുകിലിൻ തേരുകളിൽ നൃത്തമാടി

കാറ്റിന്റെ  ചൂളമടി ഏറ്റു പാടിയവൾ

മണ്ണിന്റെ പൂഞ്ചേല ഇറാനാക്കി

ഇടിമുഴങ്ങി അങ്ങ് അകലെ മേഘക്കാട്ടിൽ

മിന്നലിന്റെ പൊൻവെളിച്ചം ഇങ്ങു കാട്ടി

മാമരങ്ങൾ നൃത്തമാടി കാറ്റിൻ പാട്ടിൽ

എങ്ങുമെങ്ങും കിങ്ങിണി കെട്ടിയ വർഷകാലം

കിങ്ങിണി തൻ മുത്തുകളെ നീര്തുള്ളികളെ

നിങ്ങൾ എത്ര വേഗം നിഷ്പ്രഭമായ് തീരന്നിടുന്നു

മാരിവില്ലിൻനാട്ടിൽ നിങ്ങൾ എത്ര കാലം

ആർത്തു പാടി ഉല്ലസിച്ചു ചൊല്ലിടാമോ?

താളത്തിനോത്ത് നിന്ന് പാടിയാടും മാമഴ പെണ്ണെ

നിര്തിടാതെ നൃത്തമാടു സുന്ദരിപെണ്ണെ