സ്വകാര്യ ദുഃഖം

ഉണ്ടെനിക്കൊരുപാട്‌  ദുഃഖങ്ങൾ

പങ്കു വെക്കു വാനാവാത്ത സ്വപ്നങ്ങൾ 

ഉണ്ടില്ല ഉറങ്ങീല  ചണ്ടാലർ തന്നുടെ 

ദണ്ടനം ഏറെയും ഏറ്റു കഴിയവേ

കണ്ടില്ല ഒരു മരുപച്ച ഈ ലോകത്ത് 

മർത്യർ തന്നുടെ സ്വാർഥമാം ലോകത്ത് 

എങ്ങിനെ കൊല്ലണം തിന്നണമെന്നുള്ള 

ചിന്തയിൽ വ്യഗ്രത പൂണ്ടലയുന്നവർ 

ചൂഷണം മാത്രം മനസ്സിൽ നിറച്ചവർ 

രക്തബന്ധങ്ങൾ ജലരേഖയാക്കുന്നോർ 

ഉറ്റവർ ഉണ്ടോ ഉടയവരുണ്ടോഇപ്പാരിതിൽ

നെറ്റിയിൽ രക്തം പൊടിയുമതോര്കുമ്പോൾ

അന്യർ ഉയിരിനെ വെച്ച് കളിച്ചവരതിൻ 

വിയർപ്പു ഉപ്പാക്കി ചോറ് കുഴച്ചവർ

നെഞ്ചിൽ അടുക്കി പിടിച്ചവരെല്ലാം എൻ

നെഞ്ചിൽ ചവുട്ടി മെതിച്ചു കടന്നു പോയ്‌ 

ഉണ്ട് മതിച്ചു പുളച്ചു നടക്കുന്നു ഉണ്ടോ

നാളെ എന്നറിയാതെ ഈ ജനം !