വിഷുക്കൈനീട്ടം

മീനത്തിൻ ചൂടിനെ തട്ടി മാറ്റി

      മേടവും വന്നെത്തി കൂട്ടുകാരെ

മഞ്ഞ പട്ടാംബരം ചുറ്റിയ കൊന്നക്ക്

      മാരിവിൽ മാനത്ത് കൂട്ട് വന്നു

ചാറ്റൽ മഴക്കൊപ്പം കാറ്റ്എത്തി കൈകൊട്ടാൻ

ചുണ്ടിൽ പാട്ടുമായ്  വിഷു പക്ഷി എത്തി

പുത്തൻ കതിർക്കുല കൊത്തി എടുക്കാനായ്

പാടത്ത് പക്ഷികൾ മത്സരിച്ചു

ചക്കയും മാങ്ങയും കൊന്നപൂ കണിയുമായ്‌

ഭൂമിയും കൈ നീട്ടം വാരി ത്തന്നു

നന്മകൾ മാത്രം തന്നൊരു ഭൂമിക്ക്

നമ്മൾ കൊടുപ്പതു എന്തെന്ന് ചിന്തികു

വെട്ടി വെടുപ്പാക്കികൊത്തി  നിരപ്പാക്കി

മണ്ണൂറ്റി മണലൂറ്റി നെട്ടോട്ടംഓടുന്നു

നാളേക്ക്  വേണ്ടി നാം കരുതേണ്ട കാര്യങ്ങൾ

പാടെ മറന്നു നാം ഭൂമി മരിക്കുന്നു