പെരിയാറിന്റെ സ്വപ്നം

തിത്തിരി പക്ഷികൾ കലപില കൂട്ടി
താഴെ പുഴയിൽ ആറ്റുവഞ്ചിക്കുള്ളിൽ
തീരാത്ത ദുഖവും പേറിയെൻ പെരിയാർ
താഴോട്ടോഴുകി കടലിനെ പുല്കാൻ .
കടലിൻ തിരയിൽ അലിഞ്ഞിട്ടു വേണം
കാണാത്ത സ്വപ്നങ്ങൾ കണ്ടു മയങ്ങാൻ
ചക്രവാളത്തിൻ സീമയിൽ ആദ്യം
വിരിയും മഴവില്ലിനെ കയ്യെത്തിപ്പിടിക്കാൻ
മറ്റൊരു മുകിലായ് പിറവിയെടുക്കാൻ
വീണ്ടും ജനിക്കാൻ പുഴയായ് ഒഴുകാൻ .

മോഹമഴ

തഴുകുന്ന കാറ്റിൻ  കൈകൾ തലോടി
പരിഭവം ചൊല്ലി വരാനെന്തേ വൈകി .?
ഏകാന്ത രാവിൽ കുളിരില ചാർത്തിൽ
മോഹത്തിൻ മൈന വിങ്ങി വിതുമ്പി
രാവിൻ ഇതൾ പൂ കൊഴിയുന്ന മുന്നേ  .
വരുമെന്ന് ചൊല്ലി പിരിഞ്ഞതില്ലാരും
ചക്രവാകത്തിൻ തേങ്ങൽ ഒതുങ്ങി
മഴക്കാറ് വന്നു മുട്ടി വിളിച്ചു
കാർമേഘ പെണ്ണിൻ കണ്ണ് കലങ്ങി
പ്രുഥ്വി തൻ മാറിൽ വീണു മയങ്ങി
പീലി വിടർത്തി മയിലുപോൽ മാനം
നൃത്ത ചുവടിൻ താളം പിടിച്ചു
പുളകപൂ ചൂടി മാമരമെല്ലാം
മംഗളം പാടി രാക്കിളി പെണ്ണ് .....

പട്ടം

ആകാശ കോണിൽ കാറ്റിൽ ഉലഞ്ഞു
ആശയാം പട്ടം വട്ടം തിരിഞ്ഞു
ആശങ്കയോടെ മനസ്സൊന്നു തേങ്ങി
ആശിച്ച ദൂരം പോയില്ല പട്ടം .

വട്ടം തിരിയുന്ന പട്ടവും നോക്കി
വട്ടു പിടിച്ചു ജീവിതം ബാക്കി
വെട്ടി തിരിഞ്ഞു നടക്കുവാൻ പോകെ
വെട്ടം ഉദിച്ചു മനസ്സിന്റെ കോണിൽ

വട്ടം തിരിക്കുന്ന പട്ട ചരട്
വെട്ടി മുറിച്ചങ്ങു  ദൂരെ എറിഞ്ഞു
വെട്ടി പിടിക്കുവാൻ ആഞ്ഞു കുതിച്ചു
വെട്ടം തരുന്ന വഴികളിലൂടെ ......