രാത്രി

രാത്രി തൻ കംബളം വാരിപ്പുതക്കുന്നു

ശോകാർദ്രയാം ഭൂമി മെല്ലെ

രാപാടി പാടുന്ന പാട്ടിന്നു ഈണമായ്

വീണയും മീട്ടുന്നതരോ?

ഒരു ദുഃഖസാന്ദ്രമാം ഗാനം പാടി

വിരഹം ചൊല്ലുന്നതാരോ ?

ചിറകടി ച്ചെത്തുന്ന കാറ്റിന്റെ കാതിൽ

സ്വകാര്യം പറയുന്നതാരോ?

മഞ്ഞിൻ മറ നീക്കി എത്തിച്ചു നോക്കുന്നു

താരകകുഞ്ഞുങ്ങൾ വീണ്ടും

അമ്പിളി മാമനും പോയി മറയുന്നു

കാർ മേഘ  കയ്യുപിടിച്ചു

ഞാനും എൻ മൂകമാം രാത്രിയും മാത്രമായ്

ഒറ്റക്കിരിക്കുന്നു താഴെ