തേൻ കുരുവി

എന്തിനെൻ ജാലക വാതിലിൽ മുട്ടി നീ

തേൻ ചോരും  കൊക്കുകൾ കൊണ്ട് മെല്ലെ 

കുഞ്ഞി ചിറകു വിടർത്തി നീ 

ചൊല്ലുവാൻ മോഹിപ്പതെന്തു സഖേ 

മുറ്റം നിറയെ കരുതിയ പൂക്കളിൽ 

കുറ്റംകുറവ് അതെതുമില്ല 

പിന്നെയും പൊൻതൂവൽ കുടഞ്ഞു നീ 

സങ്കടം ചെല്ലുന്നത് എന്ത് സഖേ 

കുഞ്ഞി ചിറകിന്നടിയിൽ  ഒളിക്കുവാൻ 

കുഞ്ഞൻ കൂട്ടുകാരൻ എത്തിയില്ലേ ?

        പരിഭവം ചൊല്ലുന്ന കുഞ്ഞികുരുവി നീ 

         പോരുന്നോ എൻ വള്ളി കുടിലിലെക് 

         കാറ്റും  മഴയും വരുമ്പോൾ ഒളിച്ചിടാൻ 

         ചെമ്പക ചില്ലയിൽ കൂടൊരുക്കാം 

         പാറി പറന്നിടാം ഈ മലർവാടിയിൽ 

        തേനൂറും പൂക്കളെ സ്വന്തമാക്കി