മിന്നാമിനുങ്ങ്‌

കൂരിരുട്ടിൽ നിന്ന് കണ്ണ് ചിമ്മി

നോക്കുന്നിതാരാണ് മെല്ലെ മെല്ലെ

പച്ച വെളിച്ചം എൻ നേർക്ക് നീട്ടി

പൊങ്ങിയും താണും പറന്നിടുന്നു

കുഞ്ഞു വെളിച്ചത്തിൽ കൂരിരുട്ട്

കണ്ണ് പൊത്തി കളിച്ചിടുന്നു

പൊങ്ങി പറന്നു മരച്ചില്ല മേലെ

എത്തി പിടിച്ചു വികൃതി കാട്ടിടുന്നു

പച്ചില ചാർത്തിൽ തെളിഞ്ഞ വെട്ടം

കണ്ണിന്നു കവ്വ്തുകം ഏകിടുന്നു

കുഞ്ഞൻ എന്നാകിലും തന്നാലെ

ഇത്തിരി വെട്ടം പകർന്നിടുന്നു

കണ്ടു പഠിക്കുവാൻ ഉണ്ടതിലും

ഒരു കൊച്ചു പാഠം നമുക്കേവർക്കും

തന്നാൽ കഴിയും വിധം നൽകിടേണം

ഉള്ളിലുള്ള വെളിച്ചം പാരിതിന്ന്