കടൽ

  

പാൽ നിലാവിൽ കുളിച്ചു നില്കുംഓമലാളെ 

കാലിൽ വെള്ളി കൊലുസിട്ട സുന്ദരി പെണ്ണെ 

കിലുകിലെ ചിരിച്ചു പാൽ നുര വിതറിയെൻ 

കാലിൽ ഇക്കിളി കൂട്ടി കളി പറഞ്ഞതെന്തേ?

കറുത്ത പട്ടിൽ വെള്ളി ഞൊറിയുള്ള പാവാട 

നിൻ കണം കാലിൽ മുട്ടിയുരുമ്മും പട്ടുപാവാട 

അഴകോലും തിരകൾ മാടി ഒതുക്കി വെക്കുന്നു 

വദനത്തിൽ ചന്ദ്ര ബിംബം ഉമ്മ വെക്കുന്നു 

കണ്ണ് കാണാ ദൂരത്തു തിരമാല കുഞ്ഞുങ്ങൾ 

തിത്തൈ തിമൃതോം പാടി നൃത്തം വെക്കുന്നു 

കളിപറയാൻ പടിഞ്ഞാറൻ കാറ്റുമെത്തുന്നു 

ഓളങ്ങൾ ഏറ്റു പാടിയ പാട്ടിൻ താളത്തിൽ 

കുഞ്ഞോല പീലിവിടര്തി ആടി രസിക്കുന്നു 

മനസ്സിനെ മായാ ലോകം കാട്ടി കൊതുപ്പിച്ചു 

അറബി കടലെൻ ഉള്ളിലിരുന്നു ഇക്കിളി കൂട്ടുന്നു