പട്ടം

ആകാശ കോണിൽ കാറ്റിൽ ഉലഞ്ഞു
ആശയാം പട്ടം വട്ടം തിരിഞ്ഞു
ആശങ്കയോടെ മനസ്സൊന്നു തേങ്ങി
ആശിച്ച ദൂരം പോയില്ല പട്ടം .

വട്ടം തിരിയുന്ന പട്ടവും നോക്കി
വട്ടു പിടിച്ചു ജീവിതം ബാക്കി
വെട്ടി തിരിഞ്ഞു നടക്കുവാൻ പോകെ
വെട്ടം ഉദിച്ചു മനസ്സിന്റെ കോണിൽ

വട്ടം തിരിക്കുന്ന പട്ട ചരട്
വെട്ടി മുറിച്ചങ്ങു  ദൂരെ എറിഞ്ഞു
വെട്ടി പിടിക്കുവാൻ ആഞ്ഞു കുതിച്ചു
വെട്ടം തരുന്ന വഴികളിലൂടെ ......