രക്ത ദാഹികളെ നിങ്ങളും മർത്ത്യരോ ?
ചോരച്ചുവപ്പ് കണ്ടാർത്തു ചിരിക്കുന്നോ ?
ചുടുനിണം പുരണ്ടോരാ പിടയും കബന്ധങ്ങൾ
നിന്നമ്മയോ മക്കളോ ആയിരുന്നെങ്കിലോ .?
രാക്ഷസ കൂട്ടമേ മാപ്പില്ല നിങ്ങൾക്കൊരിക്കലും
കാലം വിധിയാലെ തേടി വരുമൊരു ദിനം !!
ഇന്നിൻ സമൃദ്ധിയെ പങ്കിലമാക്കും മതത്താലേ
ചെഞ്ചോര പുഴകളാൽ എഴുതുന്നോ കാവ്യങ്ങൾ !
ശാന്തിയും സ്നേഹവും പകരുവാൻ കഴിയാത്ത
മനുഷ്യൻ ഇഹത്തിനു ഭാരമയ് തീരുന്നു
മതങ്ങളെ ആഞ്ഞു പുല്കും മനുഷ്യരെ കേൾക്കുവിൻ
സ്നേഹമാണ് ഇന്നിന്നു ആവശ്യമാം മതം !!
